Il Maestro Roberto Giacchino, ideatore del Simposio degli artisti di Cefalù Città Degli Artisti, ha consegnato un’opera scultorea al comune di Alimena che gli aveva conferito la cittadinanza onoraria nell’agosto del 2015. Oltre alla scultura lignea, Giacchino, di origine di Prizzi in provincia di Palermo, oggi luogotenente in pensione, ma per ben 13 anni, al comando della Stazione dei Carabinieri di Alimena, ha donato una poesia dedicata alla comunità alimenese e alla sua storia. Versi intrisi di saggezza e sapienza, degli uomini e delle cose che ha ben conosciuto durante il servizio alla comunità. Il Comandante Giacchino ha lasciato dei ricordi indelebili ad Alimena, per la sua umanità e per la sua professionalità. L’amministrazione comunale ha donato a Giacchino una targa di riconoscimento.

Questi i suoi versi:
74 – Armena

Un paisi arruccatu
a l’Areddula appuiatu
fattu ti genti bona
è u paisi di l’Armena.

U jornu chi ci ivu era festa
e parsi la jurnata giusta
la Maddalena ca mi fu d’aiutu
a Cristu e a Idda aiu priatu.

Giuvani ci fui mannatu
pi unn’essiri raccumannatu
pi pigliari lu cumannu
di na caserma cu lu tettu sfunnatu.

Tanti anni e ci misimu radici
cu Maria a Davide e Tiziana ci fici
la genti chi prima un ti dava confidenza
dopu anni mi detti la spiranza.

Mi ci mannaru cu forza
mi ci nni ivu cu tristezza
un paisi ca un ti diciva nenti
pi tridici anni cu tanta brava genti.

Genti di pinseri sani
chi emigrava pi un pezzu di pani
tanta fu l’esperienza
mmezzu a tanti cu cuscenza.

Certu c’era puru qualche malacarni
Arricchennusi cu facili guadagni
ca unn’erano sulu chiddi strazzati
ma anchi chiddi incravattati.

Menu mali ca li tinti eranu picca
e di brava genti era ricca
intelligenzi chi spinnia a l’atri paisi
ristannu cu lu cori aliminisi.

Filippu Valenza, lu scritturi
nte li megliu scoli fu prufissuri
Giarratana, u generali, cu li petri
scrissi libra e fici tanti quatri.

Ci nni sunu tanti atri
scrittura, poeti e eroi scurdati
genti contru lu statu e l’uniformi
pi fari giusti li riformi.

Tanti nomi nte li ricordi
sunnu assai e nun ti li scordi
genti simplici e travagliatura
ca pi citarli tutti ci vonnu ura e ura.

Un paisi di emigranti
sparsi pi lu munnu e sunnu tanti
chi tornanu pi la Maddalena
ca pi Iddi è sempri la Patruna.

C’eranu l’amministraturi
ca si sciarriavanu a tutti l’uri
dicennu pi lu beni du paisi
lassannu a fari sempri tanti cosi.

Tanti li consiglieri
di facili pinseri
mentri lu populu s’affatica
comu guadagnarisi a jurnata

Ci sunnu tanti menti
e tanti vrazza ca un ponnu fari nenti
pi mancanza di travagliu iri sinni
luntanu a natra parti di munnu.

Tanti chi si n’hannu iutu
fora hannu arrinisciutu
e si prima turnavanu spissu
un tornanu chiù ca dda ci lassaru l’ossa.

Tanti sacrifici pi fari na casa
ora ci nne tanti cu la porta chiusa
quantu sciarri pi na casa o li terri
ora un ci sunnu ne cristiani e mancu sciarri

Ringraziammu a Maria Maddalena
chi a tutti la strata ci illumina
e n’affidammu a Gesù Cristu
pi truvari lu violu giustu.

Cu arriva nte sta terra sinn’accorgi
lu suli ti quadia cu li raggi
li muntagni chi ci stannu ntunnu
ti pari di stari a lu centru di lu munnu.

Nte li cozzi senti lu cantu di l’aceddi
nte li strati i jochi di li picciriddi
ogni cozzu avi lu so nomu
di Santu, di armalu o di viddanu.

Nte sta terra ci chiangisti
quannu arrivasti e quannu ti nni isti
ma ringraziammu a la bona sorti
chi nna salvatu di li cosi storti.